مش طبيعي قديش أيام الامتحانات وضع البني ادم بكون صعب،بس بدو يلاقيلو حجة ويبطل يدرس.
وضعي أنا مشابه لكتير ناس بيمروا بهالفترة بس الميزة الوحيدة إني ما بدرس من الأساس(يا فرحتهاااا).اسمها حالة اكتئاب حالة ارهاب حالة كباب أنا نفسي مش عارفة شو أسميها
بس أزبط اشي حالة بلادة بني ادم عارف انو اختباراتو بتبدا الاسبوع الجاي ومطنشها ومتبع مبدأ مع نفسك وغدا ألقاك(الكل عارفو طبعا هادا المبدأ).
بصحى كل يوم الصبح أخانق بأخواتي بما إنهم فاضيين وما وراهم مدارس
بعمل تسريحة الشعر المعتمدة لهذه السنة (وشكلها مش رح تكون آخر سنة)طبعا بتشبه الكرتون الياباني كعكتين عل جنبين عاملين زي الرادار
بمسك الابتوب وبفتح الاشي الي لازم ادرسو(ما تعبت حالي وصورت ورق فجبت كل دراستي ملفات pdf)>>>فالحة خاالص ماشالله عليا
وببدا أحاول أدرس وبتستمر محاولاتي من الساعة 6 الصبح ل 12 بالليل وبكون أنجزت بإذن الله 5 صفحات وطبعا بالنسبة للكسل إلي عايشاه بكون ممتاز
طبعا باخد مليون بريك(يا خوفي يكون يومي كلو بريك ودراستي تطلع الشيئ الدخيل!)
البريك طبعا بحضر فيه مباريات كأس العالم الي بتضل ل 11ونص بالليل غير طبعا النوم الي زهق مني،متى ما احط راسي عل مخدة بنااام تقول ما وراي ولا شغلة ونفسيتي مرتااحة ماشالله عل ااااخر.
وهادا ملخص اليوم تبعي إلي مليان نجاح وجد واجتهاد،،،دعاوتكم معي يا جماعة
ههههههههههههههههههههههههههه
ردحذفوالله ما جبتي اشي جديد بس الاشي الوحيد اللي مش زيي الكعكتين اللي في شعرك وانا عرفاهم ههههههههه
ههههههههه على فكرة كل الجيل هيك كسلان
ردحذفالفرق من شخص لاخر هو تسريحة الشعر فقط
وأنا من مكاني هاد بأكد انه الإحتلال متورط في الكسل اللي احنا بنمر فيه، ولن نبقى صامتين على هذا الحال بل سنقوم ببعض التجارب على سودانيز ونشوف أي من هاي التجارب ستصلح ما افسده الزمان
هههههههههههه الله بعين يا بنت عمتي
ردحذفكلنا هيك