بداية مش عارفة شو ممكن أسميها.عملت هادا البلوج بصعوبة >مش شديدة كتيير يعني لانو الكهربا وظروفها هون في غزة مش طبيعية بالمرة.خطر على بالي ليش ما اكون متل هادول البلوجرز.كنت بحكي مع امي بالموضوع عل غدا قالتلي اعملي اللي بدك اياه(يعني ماخدة الاذن من ماما يا جماعة لول :D) المهم قالتلي بس اوعي تصيري زي هادول اللي بيحبسوهم كل فترة والتانية علشان مقالاتهم،قالتلي ولا الك دخل في فتح ولا في حماس،قلتلها ماشي يماااا.من الروقان والفوقان الشديد الي انا فيه انو قاعدة بكتب ولا دارية بالعالم الخارجي شو بيصير فيه.القصف لسا شغال والطيارات لسا شغالة والناس بتموت.انا ملاقية حالي انا الوحيدة اللي لسا ما متت،حاسة كل الناس برا بتموت واحنا ولا هنا،نفسي اعمل اشي اساعد فيه بس مش طالع بايدي اعمل اشي غير التليفون اللي طول النهار قاعدة بكلم بصاحباتي والناس اللي بنعرفهم علشان اتطمن انو ما صار فيهم اشي،طبعا الكل منيح _جسديا_بس النفسية كلها مدمرة .وبنضل بنقول(الله بيعين)يمكن ييجي هل يوم اللي ما اخاف فيه وانا بكتب انو تقطع الكهربا ويروح تعبي عل فاضي
هادي البداية تبعت البلوج تبعي بس انا حبيت اشارككو فيها الواقع المؤلم اللي بنعيشو وانشالله بتشوفو شغلات حلوة وطبعا حسب التشجيع والدعم
ادعولنا نضل بخيييير
خطوة جريئة سلوم
ردحذفحتى وإن كنا نعتقد انا او انت او هم بأننا لانستطيع تغيير شيء أو نشك بمدى قدرتنا على التغيير ولو كان تغييرا بسيطا يكفي أن نكون قد حاولنا وكسبنا شرف المحاولة ، يكفي ان نملك هذا الاحساس الداخلي "أنني لابد أن افعل شيئا" حتى وإن كان هذا الشيء هو القلم والحرف.
لايوجد ماهو مستحيل
فلنخلق اللامستحيل من المستحيل .....
sallom استمري في الكتابة دون تراجع،وانا لكي من اول المشجعين والمتابعين.
شكرا كتير يا نسرين عنجد حمستيني
ردحذفجميل جدا ما قمتي بكتابته يا " سلوم " .. الله يوفقك وإلى الأمام دائماً ..
ردحذفريم
i have to say that you're a really good blogger, you simply can catch the attention of the readers to keep reading to the end inspite of the insecurity issue you're having in Gaza, so i encourage you to keep writing cuz what you write is awesome
ردحذف